بطاقة تعريف.....

صورتي
حين وقفت بباب التدوين فتش أحلامي الحراس أمروني أن أكتب يومي وأنثر ثنايا الاحساس أمروني أن أرسم فاصلتي بأخر بقايا الانفاس

الخميس، 12 يونيو 2008

عشي مطنطن







قالك مره واحد بخيل لين خلاص
امشي لمرته قالها ديرينا العشي
سألاته مرته :شن تبي تتعشى
قالها :ياودي اقلي دحيتين وحي عليك حي كان شيطت وحده منهم نقتلك قتل
شن تحسابي الدحي رخيص
مرته ردت عليه :باهي باهي فهمتك ..غير برا شوف الصحن فوق
التلفزيون هارب اليوم ..
قاللها :باهي اني راكب ...
وهو ماشي قبل لايطلع شبحلها معاود وقالها :دحيتين اه مش اديري ثلاثه
مرته ردت عليه بصياح :تي باااااااااهي فهمنا
ركب هادكا الراجل البخيل خطيوه خطيوه لفوق الحيط او السطح
دوره وهو يصلح في الستالايت جاته ريح قويه
طيراتا من فوووووق الحيط للوطه
مشي الراجل البخيل وهو في مرحلة الهبوط
خطم قدام روشن المطبخ
ترا قولوا شن قال لمرته المنجوه
.
.
.
.
.
.
ترا شن قال
.
.
.
.
.

.
.
ترا شن قال.
.
.
.
.
.
.
.
.
.
.

اني شكلي بنمووووووووووووت ديري دحيه وحده بس
























هناك 7 تعليقات:

غير معرف يقول...

جميلة النكته و الاجمل انها باللهجة الليبية العزيزة

تحيتي

alfasla يقول...

والجميل أن رأينا تواجدك معنا
أهلاً بك

Herr Esharif يقول...

نكته حلوه وحلاوتها انها بالفلاقى ههههه بالعاميه يعنى ....

alfasla يقول...

بالفلاقي ههههههههه رد بالك بكشي البلدان الثانيه ينخلعوا من هادي الكلمه
اكيد معاي انا المفروض ننشروا لهجتنا حتي احني اللييبين ولا ..

سعيده بتواجدك

Nasimlibya `√ يقول...

هههههههههههههه شنو بنهنيك بالقصة ولا علي المدونة يعني بالفعل اليوم اني سعيدة بهذا الاكتشاف طبعا عن طريق مدونة جواز سفر لكريمة
اكيد اني محظوظة اليوم والتدوين محظوظ اكثر مني بيك
يا بنت اسلوبك روعة استمري موفقة يا رب

alfasla يقول...

وأني المحظوظه أكثر بمعرفة مدوِِنة روعه زيك ..أكيد حاجه تفرحني أن النكته نالت إستحسانك
وياريتك ديما تنوريني بوجودك
اما مدونة كريمه فهي مدونة رائعه جدا
والجميل انها عرفتيني عليك

منوره

غير معرف يقول...

ههههههه .. دائما هناك من يعبر عن شيء ما بحكمة أو حتى نكثة تؤدى الغرض بطريقة سهلة وبسيطة ومرحة في نفس الوقت .

شكرنا لمن يكتبون النكث كبير جداً

Share/Save/Bookmark