كل سنه وانتم بخير وان شاء الله عيدكم مبروك..ان شاء الله ربي يتقبل من كل واحد فيكم دار جهده في الايام المباركه ..صام وصلى وقري قرأن ..وان شاء الله يوم عرفه مقبول ..وربي يغفرلنا سنه فاتت وسنه جايه راهو مش شويه .غير تفكروا ترى ايه شوق بلاوي دايرينها ..انو صيام الأجر ..وربي يتقبل من الجميع .
وطبعا بعد غدوه بدخ .. عاد مش الواحد ايطيح في الماكله بلا قياس..ايخلطها عصبان علي قلايه على لحم راس .بعدين بعيد الشر مانسمعوش غير فلان مات فلان جاته جلطه .
قدودوا ياحنه قديداتكم باش اديروا بيها هاديكا الرشته الي تبدأ حبه حبه بالقرقوش والعصبان اليابس ..
طبعا مش اول يوم العيد.القرقوش باله واسع عادي .طبعا اكيد النساويين فرحنات تووى مافيش دبان ينشروا قديدهم وهما مطمنين .
وطبعا بعد غدوه بدخ .. عاد مش الواحد ايطيح في الماكله بلا قياس..ايخلطها عصبان علي قلايه على لحم راس .بعدين بعيد الشر مانسمعوش غير فلان مات فلان جاته جلطه .
قدودوا ياحنه قديداتكم باش اديروا بيها هاديكا الرشته الي تبدأ حبه حبه بالقرقوش والعصبان اليابس ..
طبعا مش اول يوم العيد.القرقوش باله واسع عادي .طبعا اكيد النساويين فرحنات تووى مافيش دبان ينشروا قديدهم وهما مطمنين .
اول يوم عندنا انديروا في شواء في الظهريه وقبلها عاد نشوو هاديكا الكبده ...ووك جوعت ...
بعدها نبدوا في توتيه العصبان وناكلوه في العشي .
تاني يوم مرات انديروا في لحم الراس ( اكثر الناس يكرهوه في الدم ) وحاجات تانيه مرات امبطن ومعاها طاجين كوستيليه ( لحم الضلوع ) وبازيليا (شتي وقتها )..واكيد طبعا القلايه تبدا واتيه .
من الاخير ماكله وخلاص .
وربي يستر
هناك 9 تعليقات:
اول تعليق
واول زيارة للمدونه وان شاء الله مش
الاخيرة
كل سنه وانتى طيبه وبخير وسعادة
وينعاد عليكم بالخير واليمن والبركات
تقبلى مرورى
فارس
كل عام و أنت بخير
فى أمان الله
happy eid
كل عام وانت بخير عزيزتى وبصحه وسلامه ليك ولكل العيله
كل عام وأنت بخير .. تقبل الله منا ومنكم .
=====
على جنب : قدروا ظروف المغتربين بالله ، لحم رأس وطواجين وبازيليا وأسماء لاكلات كلها عالجرح راهو .. بالشوية مرة ثانية باهي ;)
فارس القمر
.اهلا بك كل عام وانت بألف خير ..ارجو الا تكون الاخيره انا ايضا ..سررت بمرورك
a_kak
وانت بألف خير
في حفظ الرحمن
نسيم
وانت بألف خير عزيزتي ان شاء الله من العايدين الفايزين
مي
كل سنه وانت بألف خير عزيزتي..انت وكل الاسره الكريمه
منير
وانت بألف خير .
اه سامحنا نسيت ان في ناس مسكينه ماحصلتش البدخ هادا كله معليشي توى تولي لبلادك وتلقى امك مدايرتلك هذا كله وخير منه يخي .
على الهامس : مدونتك لاتظهر لي حاليا ماالسبب ياترى؟
كل عام وإنت بخير ..
أخاف يوم من الأيام نسير زي إلي في الصوره الله يستر بس .
المهم عساك من عواده مواضيعك جميله وأتمنى تشرفينا في مدونتي .
دوبها جديده .. إن شاء الله تعجبكي
شكراً ...
السلام عليكم
مدونه اكثر من رائعه وتستحق الزياره
والاطلاع بل تستحق أن اضعها لدي في مدونتي تحت عنوان : مدونات تستحق الزياره ..
اسلوب راقي وجميل فكر مثقف وعالي
مواضيع قيمه ..
اخوك : بنيامين
doss
بنيامين
اشكركم جزيل الشكر على طيب كلامكم
وحظوركم الراقي
يسعدني جدا التعرف عليكم وعلى مدوناتكم
دمتم بخير
إرسال تعليق