بطاقة تعريف.....

صورتي
حين وقفت بباب التدوين فتش أحلامي الحراس أمروني أن أكتب يومي وأنثر ثنايا الاحساس أمروني أن أرسم فاصلتي بأخر بقايا الانفاس

الأربعاء، 3 سبتمبر 2008

ليبيانا..ديما معانا


اكثر شئ ينتشر بين الشعب الليبي في المناسبات هو مسجات الموبايل .. فهي تندلع كإندلاع النار في الهشيم بمجرد إقتراب موعد وقوع الحدث أو المناسبة ..أو اياً كان اظن أن هذا الامر ظاهره صحية فهي تشعر المبعث اليه بقرب الشخص الباعث .حتى اننا بتنا نصدق مايصل لنا من المسجات .فقبيل حلول شهر رمضان أظن كان يوم الجمعه وصلني مسج يقول (يوم الاحد اول ايام رمضان وتم إعلان ذلك في ترهونة حيث شوهد الهلال على سيارة اسعاف )ومع تقدم شهر رمضان لدينا عن باقي الدول الاسلامية صدقنا الخبر ( على قبيل المزاح)ومسجات أخرى تواكب أحداث الدراما التلفزيونية .. وصلني مسج يقول ( لميس تمت ياكحيل أنظارة ..فتح عيونك جاك باب الحاره ) . ويتبعوا المسج بكلمة ( رمضان كريم ) رغم اني لا ادري ما العلاقه بين لميس وباب الحارة ورمضان .ولكن رمضان هذا العام حذاه إنتشار بشرى مفاجأت شركة ليبيانا للإتصالات .. أنتظروا 1 \9 مفاجأة رمضان .. أنتظرنا قدوم هذا اليوم بفارغ الصبر . دقت الساعه الثانيه عشر ليلا من صبيحه اليوم الاول من شهر سبتمر ..وهرولنا مسرعين لموبايلاتنا . ..وكانت المفاجأه ؟؟؟!ظهور كروت خمس دينار بالأسواق .... في بادئ الامر سعدنا للخبر كثيرا وخصوصا مع وجود 39 % رصيد مجاني .. هنالك قررت أنا أن أشتري كرتين خمسه .. شحنت موبايلي بالاول والاخر رميت به لأمي .. قررنا من بعدها أن نتقاسم تلك العشر مع ال 4 دينارات المجانيه فيما بيننا ( أني وخواتي ) لنصبح 4 أشخاص مرفهين بوجود دنانير لا تقل عن 3 بأجهزتهم (بعد ماكنا نشحتوا في الدينار واخوه ( تي والله زرده)).ولكن كل ماخططنا له ذهب أدراج الرياح .. وسقط عليا الخبر كالصاعقه ...( نأسف تم منع ميزة تحويل الرصيد ..) ...ياإلهي أهذه المفاجأه ؟؟؟!! .. (ماهو كنت نشري كرت عشرة ونقسموه قسمت خوت ) ..كانت نتيجة الخبر المروع ( البشرى الساره) أني خسرت 15 دينار مع أول يوم لإستلام راتبي ..والذي وافق 1 \9 \2008 .. وعيد سعيد..ثاني أيام شهر رمضان المبارك

هناك 12 تعليقًا:

Hayam يقول...

هههههههههههههههههههههه

امي شرت كرت خمسة ومتعودة نعبيلها وونلهف زوز جني عالماشي طلعلي عذرا لايمكن تحويل الرصيد جلطتني

ياوالله حالة يعطو باليمين ماياخدو باليسار

هههههههههههه
بس باهي حتى هكي بركة

هلبة فينا

صحة شريبتك مقدما

Nasimlibya `√ يقول...

هنو قولي صح الرصيد الاضافي ولالا
خديت كرت وقاعد يستنا ع خاطر سمعت في مشكلة ما مشكلة
قلت ياله نستنا شوية معندي علاش مستعجلة

may يقول...

خيرها فى غيرها يا هناء المفروض خلاص تعوتى ما فيش حاجه بلبلاش يعطوك واحد و يسلوا عشره وانتى تضحكى ياله... سمحيهم سمحيهم معليشى شهر التسامح والغفران والكرم

Nasimlibya `√ يقول...

هنو صديقتي الغالية
في واجب وتكليف وتشريف يستنا فيك عندي
مش تقولي خدمة وكوجينة ووووو
لا عزيزتي لازم تكوني شطور زي جاد وتكون رقم 1 اوكي
نستنا فيك

alfasla يقول...

يوما ..اهلا اهلا

صار انت زي حالاتي خسارة والله كان استمر الوضع هكي ياساتر ..بيفقعونا في كرت كل اسبوع ..

المهم صحيتي هلبه على تواجدك
معاش تقولي صحه شريبيتكم قولي ان شاء الله صيامكم في الجنه امالا ماتحضريش
في الهادي الغناي ههههه

alfasla يقول...

نسيم اهلين

انقولك حاجه بري عبي كرتك بسرعه ماتندريش شن بيصير بالك بعدين الي يعبي رصيد يخصموا منه %39 بدل مايزيدو ..بعدين يقولولك معليشي في خلل في المنظومه

alfasla يقول...

مي اهلا وسهلا نورتي الموضوع

ربي هو الي يسامح شن بديري هي ..

عادي حتى احني ماطمعنا نبوا كرت بخمسه

وزياده نحولوا رصيد امالا رونا على شوق

alfasla يقول...

نسيم بجديات عندك وجه تحوليلي واجب وتقوليلي حليه

اما والله طلبة اخر زمن ..غير يشفعلك ان واجبك مهم ويستاهل حق ان حد يرد عليه ..

باهي حاضر من عيوني احني قداش عندنا نسيم .هي وحده









ومدرهه الكبد ههههه

Herr Esharif يقول...

تى اما مفاجأه هادى وليبيا كلها تعلم بيها قبل اسبوع من 1-9 عن نفسى زى بعضه 5 ولا50 رايحات رايحات والحمد لله فكونا من قصة التحويل توا الشبكه بتبقى مليحه ونتفكو من التقرويط ابعتلى وابعتلى ... ع سيرة الغناى ماعنديش الروح مع برنامجه بلكى تليفونكم ما جوش صلحوه هههه ... سلام

riyadh يقول...

أنا قاعد ما عبيتش قبل يوم بعد يوم كرت مش لأني نرشق بس طايح في صحاب حشاكم ذئاب ينهشو نهش
يدرو في رنة ويسكروا ونقعد نحرق نلقى في روحي نعاود عليهم لا مش هكي وبس حتى نقعد نسأل في صاحبي إنت شني إدير توا أنا متكي على الوسادة وهلم مجرة؟؟؟ لذلك قررت نسكر التليفون بس قبل ما نسكره كتبت رسالة لكل الأصدقاء كل سنة وإنتم بخير ورمضان كريم أنا السنة صايم حتى عل المكالمات نلتقي بعد العيد وهكي على الأقل نوفر شويا في شهر رمضان يلا سلام

alfasla يقول...

عبد الله الشريف

قصدكم انتم تعرفوا المفاجأه قبلها بإسبوع ..صار اني مش عايشه في الدنيا

مش مشكله على قولتك احسن حاجه بنفتكوا من شحاتين الرصيد

وصحه فطوركم ..على قولة الهادي الغناي

alfasla يقول...

riyadh

في حد في عليلتي كانواهكي ديروله رنه ويسكروا مشي دارلهم شفرة المدار ..
وقاللهم راهو هادي فاتورة وتجيني غاليه كان كل واحد بنعاودله معاش تحس..
واللبيب من الإشاره يفهم

Share/Save/Bookmark