بطاقة تعريف.....

صورتي
حين وقفت بباب التدوين فتش أحلامي الحراس أمروني أن أكتب يومي وأنثر ثنايا الاحساس أمروني أن أرسم فاصلتي بأخر بقايا الانفاس

الخميس، 4 سبتمبر 2008

معاش تحز؟؟



توا بالله عليكم باهي هذا عاطييني واجب جديد ..مش قلنا معاش بتحز باش تصدقوا

وهذا واجب من العزيزه نسيم ليبيا ..



نبدوا بأول سؤال:

السؤال الاول كيف تعزز ثقتك بنفسك وتكسب ثقة الناس فيك ؟

ببساطه حبي نفسك ..حطي روحك ملكة نفسك ..

رأي الناس فيك يخصهم هما ..انت مادخلك فيه

وان اتفقت الأراء لبارت السلع..وانت ماكش الا شئ زي اي شئ في الدنيا

ابني لروحك عرش كوني انت الملكه فيه..

اهم حاجه كوني ملكه عادله ..

وانت راك مش شويه انت الي قال ربي عليك (لقد خلقنا الإنسان في احسن تقويم )

وصدقوني كل المشاكل الي في نفسيات الناس من الأهميه الي يعلقوا فيها علي راي الثانيين فيهم ..

وعلاش نقولوا بنادم واثق من نفسه ..لأن عطيها كل ماتحتاجه منه معاش معدل علي يجيه من بره

السؤال الثاني حدد 3 اهداف في حياتي ؟

في حياتك انت ولا حياتي اني ههههه

لا عاد اني شن عرفني فيك ..دخلني في روحي بس

(اهو سؤال تخلصنا منه)

السؤال الثالث كيف يكون الانسان انسان ايجابي في نظرك ؟؟

سؤال مهم الحق ....ببساطه تعمق في الشي ماتشبحيش للقشره خشي داخل..داخل هلبا
اعطي كل شئ حقه ..لأن الي انت استخفيتي فيه ومعطتيشي حقه في الواقع مش قلللتي منه هو ..لا بالعكس انت قللتي من نفسك غير مش عارفه ..
طبعاً الكلام مش موجه ليك حاشاك غير علي اساس انكلم فيك بس ..

وباش تكوني ايجابيه في المواقف حطي في بالك انك انت الي بتغيري بلادك او غيرها انت الي بطويريها ..

لما تفكري هكي اكيد حتكوني ايجابيه ..

وكانك قلتي اني شن دخلني اوووب خلاص ..

السؤال الرابع هل تعتقد بان تفاعلك مع الناس يخليك تفهم مشاعرك واحاسيسك اكثر ؟؟

ايه اكيد ..انت لما تختلطي بالناس مش غير تتعرفي عليهم هما وخديتي خبره من التعامل معاهم

بالعكس انت قاعده تكتشفي حتى في نفسك انت.. حاجات مش حتطلع الا في الموقف نفسه

مش مرات تقولي والله ماكنت نتخيل في روحي نقدر الشئ هذا

المهم اهو حلينا الواجب
يعطيك ربي ماتعطينيش درجه كامله












هناك 10 تعليقات:

Nasimlibya `√ يقول...

ههههههههههههه
شطورة بس في تعقيب ع السؤال اللي محلتيهش زيدي شوفي السؤال كويس
ترا تاني ولي لمدونتي وركزي؟؟
يا شطورة يا هنو اني فرحانة بيك الحق

alfasla يقول...

لا خلاص اني معاش نولي ..
هي مره تحملي نتيجه غلطتك ..يابنتي اني هربت وتبي ترديني ليه ,,
شن ماتفهميش في الجو هذا امالا

غير معرف يقول...

السلام عليكم،
كثرن الواجبات بس احسن شي انك تحليهن وتتريحي منهن...
اسمحيلي على دخولي ورمضان كريم عليكم..

Herr Esharif يقول...

غير شن صار بس غبنا يومين ع المدونه لقيت عشعطاش بوست شكله صاحبنا فى رمضان يزيد ينشط المهم بجد اجابات صديقتنا هنا مقنعه وحلوه الهربه من السؤال حتى تعرف ??? كيف تكتب السؤال صح ... وأحسن شى مامررتيش الواجب ... سلام

(احمد سكر ) يقول...

تحياتى

لكلماتك الرائعه

دمتى بكل الود

احمد

غير معرف يقول...

والله الباين معاش حتحز بالحق؟

http://www.trables.com/ali/?p=506

alfasla يقول...

Sarora_S.K اهلا وسهلا

ايه اني من طبعي مانحبش انخلي حاجه وراي انحب انديرها ونفتكه...سوري نسيم ههه

alfasla يقول...

عبد الله الشريف

حتي نعرف كسل طلبتي ياسر مره وشعفنا حرقتولي دمي ههه

وماتعرفش امتى ننشط ..لله في خلقى شئون

وصحو فطورك

alfasla يقول...

احمد سكر

اهلا بيك سررت بمرورك

alfasla يقول...

علي طويل

لا لازم تحز بسيف عليها مش علي كيفها

صحيت هليه على تمريك لفته اقدرها لك

Share/Save/Bookmark