بطاقة تعريف.....

صورتي
حين وقفت بباب التدوين فتش أحلامي الحراس أمروني أن أكتب يومي وأنثر ثنايا الاحساس أمروني أن أرسم فاصلتي بأخر بقايا الانفاس

الأحد، 19 أكتوبر 2008

اختر مدون لهذه المواقف







من شوية تفكرت ان كان لي موضوع في احد المنتديات لاقى اقبال من الأعضاء وكان طريف لحد ما..
فقلت علاش مانعدلش فيه ونحطه في المدونة ونشوف ردود المدونين فيه ؟

هو عباره عن اسئله ينرد عليها بإسم مدون تحسه ينطبق عليه الكلام هذا ..شوفو

أكمل الفراغات بكتابتك لإسم مدون يخيل لك أنه الملائم لهذه المهمه:

1-إتصلت بك شركة كبيره تطلب منك إجراء إمتحان قبول لديها لوظيفه ما إستغربت جداً وأخذت تتسائل من الذي أخبرهم عني أنا بالذات
ثم فجأه لمعت عيناك وقلت عرفته إنه ................
2- تم قبولك بهذه الوظيفه بعد ملاحظتهم لتميزك في الإجابه عن الأسئله المطروحه عليك
لم تسعك الفرحه لسماع هذا الخبر ولكن فجأه تذكرت طلبهم منك احضار الـ cv أو سيره ذاتيه توضح فيها بياناتك الشخصيه وشهاداتك العلميه وطلبهم منك كتابة إسم شخص أثر عليك جداً وله الفضل بعد الله سبحانه وتعالى لما أنت عليه الأن وقفت حائرا تتسائل من هو ذاك الشخص الذي أثر بي لهذه الدرجه
ثم فجأه لمعت عيناك وقلت عرفته إنه ........................

3- بدأ أول يوم عمل في هذه الوظيفه وتم تعيينك بقسم كل من فيه موظفين قدامى لايكاد الواحد منهم يهتم بالأخر أو حتى يلقي عليه نظره عابره
ولم يُطلب منك القيام بأي عمل لمدة عشر ساعات كامله للدوام .
شعرت بالغربه وندمت جدا على قبولك لهذه الوظيفه الكئيبه
شعرت برغبه عارمه لكي تخنق احد امامك و هذا الشخص تكرهه جدا
ثم فجأه لمعت عيناك وقلت عرفته إنه ......................

4- رجعت لمنزلك وأنت خائر القوى منهك العضلات يقرصك الجوع وعصارة معدتك تكاد تخرج من فمك
فتحت البراد وجدته خالي تماما من الأكل تنهدت بأسف وقررت أن تطبخ أكله خفيفه تسد بها رمقك ولكن ياللمصيبه لقد وجدت أن الغاز نافد تماما من المطبخ ولا تملك درهم واحد بجيبك
وقفت حائرا تتسائل من الذي سأطلب منه إطعامي وإستظافتي بمنزله بهذه الساعه المتأخره
ثم فجأه لمعت عيناك وقلت عرفته إنه .................



ها من يجاوب ؟ السؤال موجه لكل من كاتبتهم في قائمة المدونات عندي وغيرهم اكيد

تبو تردوا اهني اوكي تبو تردوا في مدوناتكم احسن
ولو اني عارفه مش حتردوا لا اهني لا غادي (استفزاز)

هناك 11 تعليقًا:

Herr Esharif يقول...

واخيرا رأينا جديد العزيزه هناء ... واضح انك من القضيه مرتاحين شكلها حتى بعد رمضان ما كملتش ... توقعت تدوينه غير هاذى وانتى أدرى !!! المهم موضوعك جى فى وقته بس لو جاوبتيه انتى بدل المشقات والمصابع مش لشىء الا انى معاش عندى خلوق نكتب حاجه فى مدونتى !!! حاله نفسيه تجى وتمشى ما تاخديش فى بالكـ ....

بانتظار اجابات باقى المدونين ... أظن المره هاذى الكل غياب ... الجو مش طبيعى فى كل المدونات تقريبا !!!



سلام

Nasimlibya `√ يقول...

اوكي حنجاوبك بكل صدق
1- مي بكل تاكيد
2-اممم فضل بمعني فضل لا لكن شخص مؤثر ايه بس مش مدون لذلك الاسم حيكون فاضي !!
3-هههههه الشخص هذا يعرفه جاد واعتقد انه حتي هو حيخنقه معاي (( مش شرط مدون مرات مدونة ))
4- مي مرة تانية وبكل تاكيد مش لازم في حوشها عادي مهم نكونو مع بعض
مي من زيك اسمك رقم 1 والاخير

alfasla يقول...

عبد الله الشريف

اهلين لا من ناحية القضية مش مرتاحه منين بتجي الراحه ياكبادي تعب برا وداخل

لكن توقعت موضوع ليه علاقة بالموضوع الأخير ..اسألوا نسيم الأخبار كلها عندها

المهم ضيقة الخلوق كلنا تجينا

مافيش اي مشكل على رأي اخوانا التوانسه

alfasla يقول...

نسيم

شني كله مي مي ..باهي ربي يدوم هالمحبه ياربي

بس من هو الشخص الي يبي الخنق ..مشبهه على حد اني..واشبح ؟!

مهيار يقول...

مرحبا هنووووءة

1- نسيم ليبيا
2- أستاذ درست عنده في الجامعة لا داعي لذكر اسمه
3- لا وجود لمثل هذا الشخص ...
4- اختي

مع التحية لك يا هناء و توضحيح صغير البراد يعني الثلاجة مش هكي ؟؟؟؟؟

مهيار يقول...

مرحبا هنووووءة

1- نسيم ليبيا
2- أستاذ درست عنده في الجامعة لا داعي لذكر اسمه
3- لا وجود لمثل هذا الشخص ...
4- اختي

مع التحية لك يا هناء و توضيح صغير البراد يعني الثلاجة مش هكي ؟؟؟؟؟

Herr Esharif يقول...

عوده ...

1- صديقى أحمد
2-صديقى خالد
3-مش لدرجة كره لكن فى واحد ديما نحب نفش غلى فيه إسمه شكرى
4-هاذى مانحيرش فيها " الأحباب والاصحاب هلبا " والحمد لله

ملاحظه أخيره " هناء انى غيرت لنك مدونتى يا ريت تغيرى اللنك القديم عندك الى اللنك الجديد "


ســـلام

may يقول...

هناء الموضوع حلو على الاخر

نسومة صحتى على انك حطينى ديما فى بالك بارك الله فيك وان شاء الله ديما مع بعض

1- صديقتى لكن مش مدونه اسمها سارة
2- ابى
3- عندى واحد فى بالى لكن كان بنقول اسمه بيكبر راسه لهذا خليه مخفى احسن
4- اى مكان مش مهم ..المهم منوا معاك لما تجوعى فاحسن حاجة لمة الجماعة وخلاص من توه بنحطك فى قائمة الجماعة مع نسيم وباقى القروب . عندى ,,عند نسيم ,,عندك مش مشكلة المكان مش مهم مهم اللمة

حنان انت فعلا مميزة وموضيعك روعة روعة روعة

alfasla يقول...

شكرا لكل الردود اهني مهيار عبد الله الشريف مي

لكن المشكله ان الردود فيها غلطتين
اولا مرات تذكروا في اسماء مش مدونين
واني قلت مدونين ..والا شن بيستفيدوا الباقيين لما يقروا الردود ..فكرتوني في برنامج الإهداءات يبدا الحد منسجم نهدي لخالد وفرج ومسعود والي يتفرج يبدا زي الأطرش في الزفه

ثانيا:ذكر الأسم من غير الدوا الي فوق
مايخليش الواحد عارف علي شن تدوا يعني مضطره نولي ونقرا النقاط من الأول
وهادي غلطتي اني مش منكم وهذا الفرق بين المنتدى والمدونة

اه مهيار ايه البراد نفسه الثلاجه


المهم صحيتوا هلللللللللللللللللللللللبه على الردود

نورانة يقول...

ههههههههههههههههه بوست عسول قوي يا هاننو بس المشكلة ان مش ينفع أطب عليكي لو اتزنقت في استضافة يا هنا ههههههههههههههههههههه يعني اسافر ليبيا عشان مكسلة أطبخ وكمان آي أرزل عليكي ههههههههه بصي ممكن السؤال الأول أنتي أو ناعومي ...بالنسبة للتاني ا،ا كل الناس اللي باستفيد من كتاباتها بتأثر فيا اما التالت فلما هاخنق حد هابقى أبلغك....الرابع بقى مش عارفة
بس تعالي هنا يعني مجاوبتيش يعني على الاسئلة دي ؟؟؟؟!!!!!!
دمت بكل الخير يا قمر

alfasla يقول...

اهلا بالعسولة نورانة

شوفي ياحبيبيتي وتيجيني ليه انا اصلا مش حأكلك حاجه يعني ماتفكريش في احتمال انك تجيني وفري عليكي ثمن التكيت احسن
ههههه

اما عن الخنق لما تلقي حد قوليلي اساعدك اوكي

بعدين اجاوبك ايه عمرك شفتي مدرس يحل في الأمتحان مع الطلبه لا ياستي انت بتهزئيني كدا ...(طلعت منها زي الشعره من العجين)

Share/Save/Bookmark